Gjashtë pacientë të prekur me COVID-19 do të lirohen sot, pasi janë shëruar plotësisht, ka bërë të ditur Klinika Infektive përmes një njoftimi në Facebook.
Sipas raportit të dr. Sadije Namani, shefe e Klinikës Infektive, në këtë repart janë të shtruar 58 pacientë, e 48 prej tyre janë pozitivë në COVID-19.
“Gjendja e pacientëve të sëmurë me COVID-19 është si vijon: 35 raste janë në gjendje stabile, 12 raste janë në trajtim me oksigjeno-terapi dhe përkujdesje intensive. Në mjekimin intensiv ndodhet një pacient, i cili është në gjendje kritike, në ventilim mekanik dhe përkujdesje intensive”, thuhet në njoftim.
Reklama e sponzorizuar
Deri më tash, në Kosovë janë shënuar 630 raste, 18 kanë vdekur, kurse 144 janë shëruar, përfshirë edhe 6 të sotshëm.
