Kryediplomatja Haradinaj: Do të angazhohem për mbrojtjen e integritetit territorial dhe rendit kushtetues

Ministrja e re e Jashtme e Kosovës, Meliza Haradinaj, ka folur pasi që ka marrë detyrën e re në krye të dikasterit të diplomacisë.

Ajo me anë të një postimi në Twitter, ka thënë se do të shërbej që të mbrojë interesat shtetërore të Kosovës, integritetin territorial dhe rendin kushtetues.

Siç është shprehur ajo, për të është nder të shërbej në këtë pozitë.

“Dje nisa një detyrë të re institucionale – si ministre e Punëve të Jashtme dhe Diasporës në Republikën e Kosovës. Më shumë se një detyrë, të shërbej për ta mbrojtur interesat shtetërore të Kosovës, integritetin territorial dhe rendin kushtetues – është një nder dhe privilegj”, ka shkruar ajo.