Veç një reagim përmes një fotografie të emblemës së UÇK-së të publikuar në rrjetin social Facebook, e ka bërë presidenti i Kosovës, Hashim Thaçi, pas aktakuzës nga Prokurori i Specializuar.
Këtë e ka bërë të enjten derisa aktakuza iu kumtua gjatë pasdites së të mërkurës.
Aktakuza ndaj Thaçit dhe Kadri Veselit ka bërë që takimi për dialogun në Washington të dështojë. Mosshkuarjen atje e ka konfirmuar edhe kryeministri Avdullah Hoti.
Reklama e sponzorizuar
Veseli në anën tjetër gjatë së mërkurës e ka vlerësuar politik akuzën ndaj tij. I ka quajtur të pavërteta dhe ka thënë se “nuk qëndrojnë”, pretendimet në akuzë se ai bashkë me Thaçin kanë tentuar bllokimin e punës së Gjykatës Speciale.
