Ish-ministri: Në Kosovë mund të ketë deri në 800 mijë persona të infektuar

Ish-ministri i Shëndetësisë, Imet Rrahmani, ka shkruar në Facebook se nuk janë duke i bërë përshtypje shifrat e larta të personave të infektuar me koronavirus aq sa përqindja e rasteve pozitive prej totalit të të testuarve, raporton Gazeta Express.

Sipas anëtarit të LDK-së, në Kosovë mund të ketë deri në 800 mijë të infektuar me COVID-19.

Ai ka thënë se ekspertët duhet të marrin një mostër shkencërisht të besueshme, ku bëhen teste dhe mbi bazën e rezultateve ngrihet strategjia e vazhdimit tutje.

Reklama e sponzorizuar

“Ose jemi ka i zbulojmë saktë burimet dhe kontaktet, ose jemi 7-800.000 të infektuar!?

Unë mendoj se ekspertët duhet të marrin një mostër shkencërisht të besueshme, të bëhen testet dhe mbi bazën e rezultateve të ngritët edhe strategjia e vazhdimit më tutje.

Kështu nuk është ka funksionon, përkundër angazhimit’, ka shkruar ai.