Gjyqtari i Gjykatës Themelore të Prishtinës, Shasivar Hoti ka vdekur mëngjesin e së shtunës.
Kryetarja e Gjykatës Themelore të Prishtinës, Afërdita Bytyqi i ka thënë KOHËS se Hoti është sëmurë të premten mbrëma dhe ka vdekur në spital, mëngjesin e së shtunës.
“Gjyqtari ka vdekur sot në mëngjes. Sipas djalit të të tij, dje është sëmurë dhe në spital ka vdekur. Nuk dihen arsyet”, ka thënë ajo.
Reklama e sponzorizuar
Bytyqi po ashtu ka treguar se sipas birit të Hotit, ai nuk kishte pasur simptome të COVID-19, por dje i ishin shfaqur problemet me frymëmarrje.
Hoti ka qenë njëri prej gjykatësve kryesorë në Themelore, midis tjerash edhe kryetar i Trupit Gjykues në rastin “Pronto”.
