Nëntë të vdekur nga COVID-19 në Kosovë në 24 orët e fundit, 120 raste të reja

Në Kosovë nëntë persona kanë vdekur si pasojë e COVID-19 në 24 orët e fundit, ndërsa janë regjistruar edhe 120 raste të reja me koronavirus.

Numri i të vdekurve ka shkuar në 525, ndërsa i të infektuarve në 13.454.

Po ashtu në 24 orët e fundit, sipas raportit të IKSHPK-së, janë shëruar 122 persona, duke çuar shifrën totale të shëruarve në 9595. Raste aktive janë 3334.

Në 24 orët e fundit janë testuar 452 mostra dhe prej tyre 120 kanë rezultuar pozitive.

Rastet pozitive janë nga: komuna Prishtinë 30 raste, komuna Prizren 16 raste, komuna Gjilan 13 raste, komuna Gjakovë 11 raste, komuna Rahovec 7 raste, komuna Viti 7 raste, komuna Deçan 6 raste, komuna Vushtrri 5 raste, komuna Pejë 4 raste, komuna Ferizaj 3 raste, komuna Drenas 2 raste, komuna Kamenicë 2 raste, komuna Klinë 2 raste, komuna Malishevë 2 raste, komuna Obiliq 2 raste, komuna Skenderaj 2 raste dhe me nga një rast komunat Fushë Kosovë, Istog, Mitrovicë, Podujevë, Shtime dhe Suharekë.

Lini një koment!