Gastronomët kërkojnë heqjen e kufizimit të lëvizjes, paralajmërojnë protesta

Me anë të peticionit, Shoqata e Gastronomisë do të kërkojë heqjen e kufizimit të lëvizjes nga ora 22:30 dhe mbështetje financiare nga institucionet e Kosovës.

Sipas përfaqësuesve të gastronomëve, ata janë duke u përballur me humbje gjatë kësaj kohe dhe se në vazhdimësi janë duke kërkuar nga Qeveria që të ndryshojë vendimin, transmeton KOHA.

“Për shkak të pandemisë nuk dëshirojmë qe të bëjmë grumbullim në shesh por provojmë që gjate një jave të mbledhim 10 mije nënshkrime, një peticion për heqjen e kufizimit të lëvizjes dhe pas këtij peticioni po presim një seance te jashtëzakonshme nga Kuvendi”, ka thënë Petrit Kllokoqi nga Shoqata e Gastronomisë.

Zgjatja e orarit të punës deri në orën 24:00, dhe lejimi i shfrytëzimit të hapësirave brenda lokaleve janë ndër kërkesat e tyre, e nëse ato nuk plotësohen, gastronomët thonë se do të protestojnë sërish.

“Kërkesat tona fatkeqësisht kane hasur ne veshë te shurdhër sa i përket rimëkëmbjes se pakove ekonomike deri tash asgjë nuk ka reaguar shteti vetëm fjale mirëpo te njëjtën kohe kërkesat tona primare është heqja e kufizimit te lëvizjes dhe lejimi i funksionimit te bizneseve brenda sezonit vjeshte dimër”, ka deklaruar Kllokoqi.

Më 5 korrik, Qeveria e Kosovës kishte vendosur që gastronomia të punojë deri në orën 21:00 të mbrëmjes, çka edhe bëri që përfaqësues të këtij sektori të dalin në protesta, që më pas u pasua me zgjatjen e orarit deri në orën 22 e 30.

Ani pse disa kinema kanë paralajmëruar hapjen e tyre së shpejti, një gjë e tillë nuk është konfirmuar nga Ministria e Shëndetësisë. Nga kjo ministri kanë thënë se vazhdojnë të vlejnë masat e deritanishëm, dhe se deri në javën tjetër nuk pritet të ndryshohen ato.

Lini një koment!