Kryeministri i Kosovës, Ramush Haradinaj, në një publikim në rrjetin social “Facebook” ka njoftuar për vendimin e fundit për rritjen e pagave të mësimdhënësve dhe kërkesën e tij ndaj SBASHK’ut për ndërprerjen e menjëhershme të grevës në arsim.
Aty, Haradinaj ka shkruar se do të ishte mashtrim nëse grevistët mendojnë se do të ketë ofertë tjetër.
Pas këtij paralajmërimi, u ka dëshiruar atyre punë të mbarë.
Lexoni të plotë postimin e tij:
Të dashur qytetarë të Republikës Kosovës. Sot kam pritur në takim kryetarin e Sindikatës së SBASHK Rrahman Jashari, të cilit ia prezantova ofertën e Qeverisë së Republikës së Kosovës.
Për mbi 20 mijë të punësuar në sektorin e arsimit, vlera e rritjes është rreth 20 milionë euro në vit. Kjo është oferta më e madhe që i bëhet sektorit të arsimit dhe u bëjë thirrje të gjithë edukatorëve, mësimdhënësve që t’i kthehen punës, t’i kthehen procesit mësimor.
Per 5.000 mësimdhënës në shkollat e mesme, nga 74.8 euro më shumë në muaj
Per 14.790 mësimdhënës në arsimin fillorë, nga 46.8 euro më shumë ne muaj
Per 912 mësimdhënës ne arsimin parashkollor, nga 49.8 euro më shumë ne muaj
Për 125 mësimdhënës në shkollat speciale, nga 49.8 euro më shumë në muaj
Do të ishte një mashtrim nëse grevistët mendojnë që do ta kenë një ofertë tjetër. Kjo është oferta e Qeverisë, 20 milionë euro më shumë për arsim.
Punë të mbarë të gjithë punëtorëve të arsimit. Do të jemi bashkë gjithmonë dhe duke vendos komunikim të vazhdueshëm, do të përpiqemi që edhe në të ardhmen të përmirësojmë pozitën e edukatorëve të fëmijëve tanë!
RH
