Papunësia në Kosovë vazhdon të jetë një ndër problemet kyçe tek të rinjtë kosovarë.
Agjencia e Statistikave të Kosovës ka publikuar Anketën e Fuqisë Punëtore në vendin tonë për tremujorin e dytë të 2019-tës.
Sipas këtij raporti, pothuajse dy të tretat e popullsisë së Kosovës janë në moshë pune, prej moshës 16 deri në 64 vjeç, përcjell Buletini Ekonomik.
Mirëpo, popullsia në moshë pune në vendin tonë pritet të rritet edhe gjatë 10 vjetëshit të ardhshëm, për arsye se siç e dijmë Kosova është ndër vendet me popullsinë më të re në Evropë.
Popullsia në moshë pune tek kosovarët arrinë shifrën e 1 milion e 198 mijë e 308 personave, prej tyre 600 mijë e 61 veta janë meshkuj ndërsa 598 mijë e 247 janë femra.
Ndërkaq, si fuqi punëtore prej moshës 16-64 vjeç cilësohen gjithsej 478 mijë e 652 persona aktivë, kurse persona joaktivë por që janë në moshë pune janë rreth 241 mijë persona më shumë sesa ata aktivë, pra 719 mijë e 656 janë persona joaktivë.
Si të punësuar në Kosovë figurojnë 357 mijë e 340 persona nga mosha 16 deri 64 vjeç, duke pri meshkujt që zënë shifrën e 275 mijë e 278 të rinjëve që kanë tashmë një punë, ndërsa femrat më një numër të të punësuarave deri në 82 mijë e 62.
Miëpo, përkundër shifrave të të punësuarëve, ende rreth 121 mijë e 312 persona të cilët mund të punojnë vazhdojnë të mbesin të papunë.
Megjithkëtë, Kosova me popullsinë më të re në rajon numëron 80 mijë e 916 të rinj, që janë fuqi punëtore vetëm prej moshës 16 deri në 24 vjeç.
E prej tyre, të punësuar figurojnë 41 mijë e 201 persona, ndërsa si të papunë janë ende 39 mijë e 714 të rinj.
Në mesin e fuqisë punëtore, papunësia më e lartë vazhdon të mbetet tek femrat në krahasim më meshkujt.
“Shkalla e punësimit në mesin e femrave në moshë pune është vetëm 13.7 %, krahasuar me 45.9 % për meshkujt”, thuhet më tutje në këtë raport. /Buletini Ekonomik/
