Fondacioni i Mileniumit i Kosovës (Millennium Foundation Kosovo- MFK) i mbështetur nga Korporata e Sifidave të Mileniumnit (Millennium Challenge Corporation – MCC), nënshkruan Marrëveshjen për Zbatim me Fondin Kosovar për Garanci Kreditore (Kosovo Credit Guarantee Fund – KCGF), si mekanizëm kryesor në Kosovë që mbështetë qasjen në financa për sektorin privat.
Kjo marrëveshje rregullon bashkëpunimin në mes të dy organizatave për ngritjen e ekspertizës dhe krijimin e Dritares për Kredidhënie për Projekte dhe Garanci për Energji të Ripërtërishme.
Kjo marrëveshje synon të ofrojë mbështetje për qasje në financa për prodhuesit e pavarur të energjisë elektrike që bazohen në burime të ripërtërishme, duke qenë se qasja në financa është identifikuar si një ndër barrierat kryesore që pengon investimet në këtë sektor.
Projekti që do të zhvillohet përmes kësaj marrëveshjeje do të fokusohet në tri fusha – zhvillimi i kapaciteteve të KCGF; krijimi i një vargu të projekteve që financohen nga sektori bankar; dhe krijimi i kornizave të standardizuara për dokumentacion teknik dhe trajnimi përkatës për bankat dhe rregullatorët në treg.
