Duke e refuzuar kërkesën e Lëvizjes Vetëvendosje, Lidhja Demokratike e Kosovës, i nisi një ofertë tjetër kësaj partie, ku ia kërkoi postin e kryeparlamentarit deri në zgjedhjen e presidentit, për të lënë që ky post të i kthehet sërish VV-së, pasi që, LDK ta merr presidenti, shkruan Gazeta Insajderi.
Por, a do të ketë sot një takim ne mes këtyre dy partive, për të nënshkruar një marrëveshje të mundshme për bashkëqeverisje, ende nuk dihet. Ani pse, topi tani është të VV.
Në një prononcim për Gazetën Insajderi, anëtari i VV-së, Liburn Aliu, tha se nuk është në dijeni që do të ketë një takim, mirëpo ai konfirmoi se shumë shpejt do të ketë një përgjigje nga partia e tij për LDK-në.
“Nuk e di a do të ketë takim. Ofertën e kemi marrë, por cila do të jetë përgjigja unë nuk jam momentalisht në Prishtinë dhe nuk e di, por besoj se do të ketë shumë shpejt një përgjigje”, tha shkurt për Insajderin, Liburn Aliu.
Njëjtë si oferta e VV-së, edhe ajo e LDK-së, u kritikua nga anëtarët e kësaj të parës.
E për këtë ofertë nga LDK, vet Liburn Aliu, dje kishte thënë se ky propozim është i dëmshëm dhe i keq, ndërsa ka vazhduar të thotë se VV, është e gatshme ta rritë numrin e ministrive, por assesi ta shkarkojnë Konjufcën.
Ndërsa, mëngjesi i sotëm sërish gjeti duke u përplasur mes vete anëtarët e të dy partive.
E kjo erdhi pas ‘sakrificës’ që po e bënë kinse LDK për shtetin.
Sekretari i LDK-së, Arban Arbrashit, është shprehur se kërkesa e LDK-së për presidentin është për shtetin e jo për LDK-në.
Abrashi, një përgjigje të shpejtë e ka marr nga anëtari i Lëvizjes Vetëvendosje, Avni Zogiani, i cili përmes rrjetit social Facebook, tha se edhe Thaçi ishte votuar për shtetin.
Përplasjet mes këtyre dy partive po vazhdojnë ende, teksa dje kryetari i LDK-së, Isa Mustafa, para medieve tha se takim do të ketë vetëm nëse ka marrëveshje ose nëse duhet të dalin e të tregojnë se nuk do të ketë marrëveshje.
