Analisti politik, Shkëlzen Maliqi ka vlerësuar se dallimet e Lëvizjes Vetëvendosje dhe Lidhjes Demokratike të Kosovës për arritjen e marrëveshjes janë aq të vogla saqë kokëfortësia e tyre bëhet e pakuptimtë.
Në një intervistë për gazetën “Epoka e re”, ai ka deklaruar se qëndrimet e tyre të ngurta për kompromise lexohen vetëm si lakmi për pushtet.
Maliqi ka thënë se tërheqja nga pozicionet aktuale nuk do të thotë humbje për asnjërën parti.
Reklama e sponzorizuar
Sipas tij, nëse koalicioni VV-LDK dështon, presidenti i vendit e ka rolin kyç për gjetjen e rrugëdaljes.
Maliqi thotë se presidenti duhet të konsultohet për një mandatar të dytë që, sipas tij, nuk duket zgjidhje e mundshme ose të përsëriten zgjedhjet.
