Për ta shpëtuar nga ngufatja sistemin e drejtësisë në vend ministrja e re e Drejtësisë, Albulena Haxhiu, ka paralajmëruar nisjen e procesit të vetingun në drejtësi.
Ky proces, i cili do ta ketë fokus pastrimin e figurave të Policisë së Kosovës, të gjykatave, të Prokurorisë, si dhe të AKI-së,sipas njohësve të drejtësisë do të zgjasë 18 deri në 24 muaj, shkruan gazeta “Zëri”.
Për më shumë se një dekadë në Kosovë ka munguar vullneti politik për ta nisur implementimin e një procesi të ri të vetingut në sistemin e drejtësisë, mirëpo ky proces, i cili synon përjashtimin e zyrtarëve publikë që nuk kanë integritet në përmbushjen e detyrës duke kontrolluar figurën e tyre, është njëra nga premtimet kryesore të qeverisë “Kurti”.
Madje ndërmarrjen e një procesi të tillë për Policinë e Kosovës, për gjykatat vendore, për Agjencinë e Kosovës për Inteligjencë, për Doganat dhe Njësinë e Inteligjencës Financiare, ministrja e Drejtësisë, Albulena Haxhiu, synon ta kryejë brenda 24 muajve, shkruan tutje “Zëri”.
Me të marrë mandatin Haxhiu është shprehur e gatshme të nisë këtë proces në bashkëpunim me organizatat e drejtësisë në vend. “Sistemi i drejtësisë nis të çlirohet në momentin kur ne e adresojmë vetingun.
