Kryeministri i Republikës së Kosovës, Albin Kurti, në një postim në rrjetin social Instagram i ka përmbledhur përsëri vendimet që i ka marrë Qeveria e re, në krye më të.
Ai ka thënë se më anulimin e vendimit të Qeverisë së kaluar ku Ministria e Infrastrukturës detyrohej t’i jap kompanisë “Bechtel-Enka” 50 milionë euro, është bërë ndalja e gjakderdhjes financiare.
Po ashtu ai theksoi shkarkimin e dy bordeve dhe sanksionet që iu bën dy kompanive.
“Në listën e sanksioneve të OKB-së e BE-së ndodhet një kompani e cila ka eksportuar drejt vendit tonë dhe ku tash e tri javë po mbahet në Doganën e Kosovës. Kompanisë “Sabalan Company – Iran” e cila figuron si entitet nën sanksione si kompani mbulesë e “Shahid Hemat Industrial Group – SHIG”, me vendim unanim të Qeverisë së Republikës së Kosovës iu vendosen sanksione edhe për vendin tonë”, ka shkruar sot Kurti në profilin e tij në Instagram.
Bëhet fjalë për një kompani iraniane që eskportonte vajra në Kosovë.
Shkrimi i tij i plotë:
Qeveria jonë, dje, mbajti mbledhjen e pestë të saj. Po angazhohemi për jetësimin sa më të mirë e përmbajtësor të tri temave kryesore: drejtësia, zhvillimi ekonomik dhe marrëdhëniet ndërkombëtare.
Ndalja e gjakderdhjes financiare.
U anulua vendimi i Qeverisë së kaluar ku kompanisë “Bechtel-Enka” do t’i kalonin 50 milionë euro. Ka nevojë për kyçje e mbikalim në autostradën e mbyllur, por jo 50 milionë euro. Mundet ndryshe, më mirë e më lirë.
Dy borde.
Pas shkarkimit të tyre të mëhershëm, i emëruam bordet e përkohshme në Telekomin e Kosovës dhe Ndërmarrjen “Trepça” Sh.A. Këto dy borde të përkohshme, sipas ligjit për Ndërmarrjet Publike, do të jenë në funksion deri në ardhjen e një bordi të ri apo deri në mesnatën që bëhen gjashtë muaj prej ditës së hyrjes në fuqi të këtij ligji.
Sanksionet.
Në listën e sanksioneve të OKB-së e BE-së ndodhet një kompani e cila ka eksportuar drejt vendit tonë dhe ku tash e tri javë po mbahet në Doganën e Kosovës. Kompanisë “Sabalan Company – Iran” e cila figuron si entitet nën sanksione si kompani mbulesë e “Shahid Hemat Industrial Group – SHIG”, me vendim unanim të Qeverisë së Republikës së Kosovës iu vendosen sanksione edhe për vendin tonë.
