Për shkak të pandemisë së Coronës këtë vit nuk do të zhvillohet festa tradicionale e birrës në Bavari. Ajo është festa popullore më e madhe në botë e cila organizohet nga shtatori deri në tetor.
Asgjë nuk është kaq e rëndësishme për bavarezët sesa festa e birrës, e njohur ndryshe si festa e tetorit. Por virusi i Coronës bën që të anulohet edhe kjo festë, që çdo vit tërheq deri në 6 milionë vizitorë. Anulimi bëhet për herë të parë pas 73 vjetësh.
Kryeministri bavarez, Markus Söder, (djathtas) 21.04.
“Na dhemb, dhe është për të ardhur shumë keq”, tha kryeministri bavarez, Markus Söder. Por rreziku i infektimit do të ishte shumë i madh. Sepse në këtë festë vijnë vizitorë nga e gjithë bota për të festuar në tendat e ngritura e që janë të mbushura plot me njerëz. E masat kufizuese dhe distanca sociale sikur nuk shkojnë me atmosferën tipike të kësaj feste tradicionale.
