Kryeministri në detyrë i Kosovës, Albin Kurti i ka drejtuar një letër presidentit të shtetit, Hashim Thaçi pak minuta para nisjes së takimit në presidencë, raporton Gazeta Express.
Në letrën e publikuar Kurti shkruan se do të takohet me kënaqësi me presidentin, për të folur lidhur me hapat e mëtejmë sipas kushtetutës, pas mocionit për rrëzimin e Qeverisë.
Ai ka kërkuar nga Thaçi që të respektojë kushtetutën duke shkruar se Kosova ka nevojë për një president që e respekton atë deri në çdo pikë e presje.
Reklama e sponzorizuar
Kurti ka shkruar se çështja e vetme që do të bisedojë sot me presidentin është që të gjendet koha më e përshtatshme për shpërndarjen e Kuvendit.
