Ministri në detyrë, i Punëve të Jashtme dhe Diasporës, Glauk Konjufca ka thënë se hapja e kufijve për shtetet fqinje duke përjashtuar Kosovës është qasje diskriminuese.
Konjufca ka shkruar në Twitter se qeveria e Kosovës e dënon qasjen e tillë të Serbisë karshi Kosovës, raporton Gazeta Express.
“Qeveria e Kosovës dënon qasje e pabarabartë dhe diskriminuese të Serbisë ndaj Kosovës. Serbia ka hapur kufijtë për qytetarët e vendeve të regjionit por jo për qytetarët e Kosovës”, ka shkruar Konjufca.
The Kosovo government condemns Serbia's discriminatory and unequal regional approach to Kosovo. Serbia has opened its borders to citizens of all countries in the region, but not to citizens of Kosovo.
— Glauk Konjufca (@KonjufcaGlauk) May 13, 2020
Serbia do të hapë kufijtë për lëvizjen e njerëzve plotësisht nga 1 qershori për katër vende, Maqedoninë e Veriut, Malin e Zi, Bosnje e Hercegovinën dhe Shqipërinë edhe pse nuk kufizohet me këtë të fundit.
