Bashkëkryesuesi i Këshillit Europian për Marrëdhënie të Jashtme Carl Bildt ka komentuar zhvillimet e fundit politike rreth mospjesëmarrjes së delegacionit të Kosovës në takimin e Washingtonit.
”Ky është fundi i takimit të planifikuar të Shtëpinë e Bardhë rreth marrëdhënieve mes Kosovës e Serbisë”, shkruan Bildt, njofton Klan Kosova.
Presidenti i vendit Hashim Thaçi anuloi dje pjesëmarrjen e tij në takimin e Washingtonit, ftesë të cilën e kishte bërë ditë më parë emisari special amerikan për dialogun Richard Grenell.
Kjo për shkak të zhvillimeve të fundit, ku Prokuroria Speciale dorëzoi ndaj tij aktakuzë në Gjykatën Speciale.
Si rezultat i këtij zhvillimi, edhe Kryeministri Avdullah Hoti anuloi pjesëmarrjen e tij në takimin me palën serbe në Shtëpinë e Bardhë, me arsyen që delegacioni i palës kosovare pa Presidentin Hashim Thaçi është i përgjysmuar.