Ish-ministri i Punëve të Jashtme, Glauk Konjufca, ka bërë thirrje te qytetarët që ta nënshkruajnë peticionin për zgjedhje, nisur nga Lëvizja Vetëvendosje.
“Qytetarët e Republikës së Kosovës janë të bindur se cili është lloji i qeverisjes që i duhet vendit, prandaj zgjedhjet janë qëllimi ynë politik, sepse zgjedhjet janë zgjidhja e vetme për të ecur përpara. Prandaj i ftoj të gjithë qytetarët që ta nënshkruajnë peticionin për zgjedhje të reja në sheshin e qytetit të tyre, nëse nuk e kanë bërë këtë deri tani”, shkruan Konjufca në Facebook.
Reklama e sponzorizuar
Peticioni nga Lëvizja Vetëvendosje, nisur online, deri tash ka marrë 54.204 nënshkrime. Por, ky peticion tashmë ka nisur edhe nëpër disa pika në kryeqytet ku qytetarët po japin nënshkrimin e tyre fizikisht.
