Një punonjës i Ministrisë së Arsimit dyshohet se është i prekur me Covid-19.
Kështu ka bërë të ditur, ushtruesi i detyrës së sekretarit të Ministrisë së Arsimit, Agim Bërdyna.
Sipas tij, ky person i ka njoftuar në mëngjes se është i prekur me COVID-19 dhe është izoluar në shtëpi.
Reklama e sponzorizuar
“Bëhet fjalë për një drejtor departamenti. Më ka njoftuar sot se ka dalë pozitiv. Për tjera raste në Ministri nuk kemi informata. Ne do ta bëjmë listën se me kë ka pasur kontakt dhe do të ju themi të qëndrojnë në shtëpi sepse ai ka dalë rregullisht në punë. E kemi njoftuar edhe Ministrinë e Shëndetësisë dhe IKShPK-në”, ka thënë ai, raporton KOHA.
KOHA ka tentuar të kontaktojë edhe me këtë person (emër i njohur për redaksinë), por ai nuk është përgjigjur.
