Punëtorët e auto-shkollave me rreth 100 vetura, kanë protestuar sot para Ministrisë së Infrastrukturës për shkak se kjo ministri nuk po u mundëson që të mbahen provimet.
Kërkesë të vetme ata kanë kthimin në punë. Ky aksion u organizua nga Federata e Auto-shkollave të Kosovës, ku të gjitha automjetet defiluan nga Fakulteti Teknik deri te Ministria e Infrastrukturës.
Organizatori i kësaj proteste, Milaim Kërqeli thotë se përmes kësaj protestë po kërkojnë të dinë arsyen se përmes kjo veprimtari nuk mund të vazhdoj punën ende.
Ai thotë se në ministritë përgjegjëse kanë bërë kërkesa të vazhdueshme por kanë hasur në vesh të shurdhër.
Kërqeli thotë se janë dëmtuar shumë dhe se do protestojnë derisa t’u lejohet të punojnë.
“Arsyeja e protestës është mos lejimi i punës sonë do thotë qe gati 4 muaj po bëhen. Nuk dimë ndonjë arsye duhet organet ministri i Infrastrukturës, Shëndetësisë, duhet të na tregojnë arsyen pse na nuk duhet të punojmë. Derisa punojnë taksitë, autobusët me 50 veta, derisa punojnë kafeterit, cila është arsye që ne nuk punojmë më i sigurt është një i ri me qëndrua 90 minuta në veturë me neve sesa me ndenjur në kafeteri ku janë 200 veta njëri me tjetrin. Derisa nuk na lejojnë me punua ne do protestojmë nuk ka mbetur gjë tjetër”, theksoi Kërqeli.
Instruktoi më i vjetër në Kosovë i cili vjen nga qyteti i Prizrenit, Hamit Hazeraj thotë se sot iu ka bashkangjitur kolegëve të tij, pasi që ky sektor nga qeveritë e Kosovës ndër vite ka mbetur manga.
Derisa thotë se punën duhet ta fillojë edhe kjo lëmi, për këtë ai këshilloi të merren praktikat më të mira për auto-shkollat.
“Vërtetë po shoh pakënaqësi tek njerëzit që nuk po punojnë, atëherë pakënaqësi se qeveritë tona prej pas luftës janë ndërrua si buka pa pjek nuk kanë arritur me u pjekur hiq, nuk kanë ditë çka me bo njëra duke e ndërrua tjetrën edhe kjo degë kanë mbetur shumë mangu..Le të zgjidhet ky problem le të merren standardet më të mira të auto-shkollave le të ketë kualitet më të mirë“, tha ai.
Edhe Sanije Bytyqi instruktore thotë se përmes kësaj punë kërkesë të vetme kanë kthimin në punë. Sipas saj, humbjet për gati 4 muaj që nuk kanë punuar u kanë shkaktuar humbje të mëdha.
“Përgjigje nuk kemi marr nuk kemi fillua me punua ende kemi mbetur pa punë deri tash, kemi probleme edhe me kandidat të cilët janë regjistruar po kërkojnë me filli punën, disa po kërkojnë edhe me ua kthye paret e dhëna, pagesat po duhet m i kthye kështu që është një pakënaqësi shumë e madh. Është edhe një kohë e gjatë 3 muaj e gjysmë që nuk kemi punuar atëherë po kërkojmë vetëm me fillua punën. Për tre muaj e gjysmë dëmtimet janë shumë të mëdha përderisa ne mbajmë familje me auto-shkolla, kemi punëtorë që duhet me i pagua edhe ata si kemi pagua, kemi qira që duhet me i pagua”, tha Bytyqi.
Auto-shkollat në Kosovë edhe në fillimit të këtij muaji pasi filloi implementimi i fazës së tretë të masave lehtësues, kanë protestuar dhe kanë kërkuar t’u lejohet të punojnë. /KP/
