Një ekspert i lartë i shëndetësisë në Kinë, Zhang Wenhong, ka pohuar se do të ishte plotësisht e pamundur që njerëzit ta luftojnë pandeminë e coronavirusit me “imunitetin e tufës”.
Sipas mediave të huaja, përcjell Telegrafi, Wenhong, i cili menaxhoi situatën ndaj COVID-19, në Shanghai potencoi se metoda do të çonte në një katastrofë globale.
Për të aplikuar këtë metodë, ai tha se duhet të infektohen së paku gjysma e popullsisë së botës për të ndaluar sëmundjen e COVID-19.
Ndërkohë, shkencëtarët ende nuk kanë konfirmuar nëse imuniteti i tufës funksionon kundër coronavirusit. Shkalla dhe kohëzgjatja e imunitetit midis pacientëve të rikuperuar mbetet ende e paqartë.
Kujtojmë, se numri i të infektuarve globalisht u rrit në 11 milionë, ndërsa 500 mijë persona kanë ndërruar jetë. /Telegrafi/
