Cili mendoni se është çelësi për të arritur ekuilibrin në jetë?
Si një mama dhe sipërmarrëse, ekuilibri është diçka të cilin përpiqem ta arrij çdo ditë. Çelësi i gjetjes së balancës në jetën time është ndarja e kohës kushtuar punës, familjes dhe vetes. Mendërisht është e vështirë të shkëputesh nga një biznes në rritje, kur kaq shumë sektorë të cilët kërkojnë vëmendjen tënde. Por për mua është e rëndësishme të shkëpus spinën, në mënyrë që të gjej kohë për familjen dhe veten.
-Antonella Argent, bashkëthemeluese e LYNQ
Shmangni që të ndikoheni nga pritshmëritë e shoqërisë dhe përqendrohuni tek ajo çfarë doni, çfarë ju frymëzon dhe çfarë ju motivon për të arritur objektivat. Për mua (dhe veçanërisht për femrat sipërmarrëse), mendoj se ekuilibri mes jetës profesionale dhe jetës personale është një pengesë e madhe për t’u kapërcyer. Por çelësi qëndron në gjetjen e ekuilibrit që funksionon për ju dhe të pasurit e një sistemi mbështetje gjatë rrugëtimit të gjatë.
-Christine Yaged, bashkëthemeluese dhe chief marketing officer e Launch Potato and FinanceBuzz
Dëgjoni trupin tuaj, ky është çelësi. Nëse ndiheni të lodhur, të pamotivuar ose në depresion, bëni një pushim. Bëni diçka tjetër që nuk përfshin vënien e trurit në punë, si për shembull aktivitet fizik, ecje në natyrë ose thjesht edhe një dremitje apo dush…
-Amine Rahal, themelues i IronMonk Solution
Ekuilibri nis në shtëpi. Një familje që ju mbështet është baza që të mund të krijoni një ekuilibër të qëndrueshëm mes punës, familjes dhe jetës personale dhe në të njëjtën kohë, të përmbushni nevojat dhe pritshmërive e të gjitha palëve.
-Emmalyn Shaw, managing partner, Flourish Networks
Burimi: Success
