Nuk ka kaluar përsëri votimi i ndryshimit të Ligjit për Automjete, që do të hiqte homologimin e veturave.
Deputetët e Kuvendit të Kosovës nuk kanë votuar pro projektligjit që ndryshon rregullimin me ligj të importit të veturave, ashtu që të hiqej pjesa e homologimit.
Njëzetetetë deputetë kanë votuar pro, ndërsa 13 deputetë ishin kundër. Kësisoj ky projektligj do të përsëritet edhe në seancën e radhës.
Ndryshimi i ligjit ishte propozuar nga Lëvizja Vetëvendosje.
Sipas propozuesit, Hekuran Murati, me këtë ndryshim të ligjit do t’i hiqej monopoli biznesmenit Blerim Devolli.
Homologimi i veturave është konsideruar edhe nga Bashkimi Evropian si i panevojshëm. Për këtë shërbim, në Kosovë ka leje vetëm kompania QAK – Eurolab, që është në pronësi të Devollëve.
