Borxhi publik i Kosovës ka arritur në 1.3 miliard euro deri në qershor 2020, një rritje prej 16.2 për qind krahasuar me periudhën e njëjtë të vitit të kaluar.
Kjo rritje i atribuohet rritjes së borxhit të brendshëm prej 22.5 përqind (që ka arritur në 884.5 milionë euro), ndërsa borxhi i jashtëm publik ka arritur në 429.6 milionë euro, apo njw rritje prej 4.9 përqind.
Sipas raportit të Bankës Qëndrore të Kosovës (BQK) mbi Vlerësimet Tremujore të Zhvillimeve Makroekonomike thuhet se pjesëmarrja e borxhit të jashtëm publik në gjithsej borxhin publik është zvogëluar në 32.7 përqind, nga 36.2 përqind sa ishte në TM2 2019.
“Sidoqoftë, ky nivel i ulët i borxhit publik mund të rritet shpejt në të ardhmen si rezultat ndikimeve negative të pandemisë COVID-19 në ekonominë e Kosovës dhe planeve të qeverisë për ta financuar deficitin buxhetor nëpërmjet borxhit publik” thuhet në raportin e BQK-së. /Buletini Ekonomik/
