Toyota do të ndalojë prodhimin në fabrikat e saj britanike dhe franceze më herët sesa ishte planifikuar para Krishtlindjeve për shkak të kaosit të shkaktuar nga mbylljet e kufijve prej Covid-19.
Prodhuesi japonez i makinave tha se po priste mungesa të pjesëve si rezultat i vonesave të transportit, pasi ndalimi 48-orësh i Francës për ngarkesat nga Britania shkaktoi radhë të gjatë kamionësh pranë Dover.
Toyota tha se kishte vendosur të afronte “ndalesën e planifikuar sezonale” në fabrikën e saj të motorëve në Deeside në veri të Uellsit dhe fabrikën e saj në Burnaston në Derbyshire, ku bëhet Corolla. Rreth 3,000 njerëz janë të punësuar në të dy impiantet.
Toyota tha se donte të “ndihmonte në sigurimin e punonjësve tanë dhe të gjithë aktorëve tanë, veçanërisht partnerët tanë të logjistikës dhe duke marrë parasysh nevojat më të gjera të shoqërisë”. /SCAN tv/
