Kina do të kapërcejë Shtetet e Bashkuara për t’u bërë ekonomia më e madhe në botë në vitin 2028, sipas një raporti nga Qendra për Kërkime Ekonomike dhe Biznesin (CEBR), me qendër në Britani.
CEBR tha se “menaxhimi i aftë i pandemisë” të Kinës, me bllokimin e saj të hershëm dhe goditjet afatgjatë në Perëndim kanë bërë që performanca relative e Kinës të përmirësohet.
Kina duket e vendosur për rritjen mesatare ekonomike prej 5.7 për qind në vitet 2021-25. Ndërsa Shtetet e Bashkuara ka të ngjarë të kenë një reagim të fortë post-pandemik në vitin 2021, ku rritja e saj do të ngadalësohej në 1.9 për qind në vit midis viteve 2022 dhe 2024, thotë raporti.
Japonia do të mbetet ekonomia e tretë më e madhe në botë, në terma dollarësh, deri në fillim të viteve 2030 kur do të tejkalohet nga India, duke e shtyrë Gjermaninë nga vendi i katërt në të pestin.
Mbretëria e Bashkuar, aktualisht ekonomia e pestë më e madhe, do të kalonjë në vendin e gjashtë nga viti 2024.
Sidoqoftë, përpos një goditje në vitin 2021 nga dalja e saj nga tregu i vetëm i Bashkimit Evropian, prodhimi i brendshëm bruto britanik (PBB) parashikohet të jetë 23 për qind më i lartë se ai i Francës deri në vitin 2035, i ndihmuar nga udhëheqja e Britanisë në ekonominë dixhitale.
Sipas raportit, ndikimi i pandemisë në ekonominë globale ka të ngjarë të shfaqet në inflacion më të lartë, jo në rritje të ngadaltë./Reuters
