Kur individët bëjnë një blerje sipas skemës, pjesëmarrësit paguajnë për gjysmën me këtë monedhë dhe gjysmën tjetër me paratë e tyre. Republika Çeke, e cila ka një popullsi prej 10.7 milion, është goditur rëndë nga pandemia. Kufizimet i mbajtën të mbyllura shumicën e dyqaneve jo-thelbësore nga fundi i dhjetorit deri në këtë javë.
Skema e Kyjov po financohet në masën 800,000 koruna nga një individ privat i cili nuk dëshiron të emërohet dhe administrohet nga Pepe Rafaj, i cili ishte ideatori.
Rafaj i referohet monedhës lokale si “para të dronit”, si një mënyrë për ta krahasuar atë me konceptin e shumë diskutuar të “parave të helikopterit”, idenë që bankat qendrore mund të transferojnë para direkt te qytetarët si një formë e lehtësimit monetar.
Skema është e teknologjisë së ulët për konsumatorët. Ata regjistrohen në internet për një llogari këtë monedhë lokale. Kur ata bëjnë një blerje, gjithçka që duhet të bëjnë është të japin numrin e kartës së tyre të identitetit biznesit, ose të përdorin një kod të dorëzuar përmes një mesazhi me tekst në celular.
Biznesi më pas i dërgon një mesazh me tekst sistemit, i cili transferon automatikisht sasinë përkatëse të parave lokale nga llogaria e klientit në llogarinë e vet. Biznesi pastaj i shndërron ato në kurona, zakonisht të nesërmen.
Banka qendrore e vendit klasifikon skemën Kyjov si një sistem lokal të kuponëve elektronikë të zbritjes, dhe për këtë arsye nuk është një çështje shqetësuese për autoritetin monetar.
Kryetari i Bashkisë së Kyjov, Franisek Lukl, tha se ai shpresonte që skema të mund të zgjerohej në pjesë të tjera të Republikës Çeke, ndoshta duke përdorur para nga fondet e rimëkëmbjes post-pandemike të Bashkimit Europian. Ai tha se kishte në plan ta diskutonte këtë me ministrin e punës javën e ardhshme. (Reuters)/Scan tv/
