Eksperimenti me katër ditë punë në javë pati “një sukses të jashtëzakonshëm” në Islandë, kanë thënë studiuesit.
Provat, në të cilat punëtorët u paguan të njëjtën shumë por për më pak orë në javë, u zhvilluan midis viteve 2015 dhe 2019. Produktiviteti mbeti i njëjtë, në disa raste edhe më efektiv, në shumicën e vendeve të punës, thanë studiuesit.
Eksperimente të tjera aktualisht janë duke u zhvilluar në të gjithë botën, duke përfshirë në Spanjë dhe nga Unilever në Zelandën e Re. Në Islandë, eksperimenti i drejtuar nga Këshilli i Qytetit Reykjavík dhe qeveria kombëtare përfshinë më shumë se 2,500 punëtorë, që arrin në rreth 1% të popullsisë që punon në Islandë.
Punëtorët ishin nga sektor të ndryshëm. Shumë prej tyre u zhvendosën nga një javë 40 orëshe në një javë 35 ose 36 orëshe, thanë studiuesit nga Shoqata për Demokraci të Qëndrueshme (Alda) në Islandë.
Rezultatet e eksperimentit i bënë sindikatat të rinegociojnë modelet e punës dhe tani 86% e fuqisë punëtore të Islandës ose kanë lëvizur në orë më të shkurtra për të njëjtën pagë, ose do të fitojnë të drejtën për të, thanë studiuesit. Punëtorët raportuan se ndiheshin më pak të stresuar dhe thanë se gjendja e tyre shëndetësore dhe jeta e punës ishin përmirësuar. Ata gjithashtu raportuan se kishin më shumë kohë për të kaluar me familjet e tyre, për të bërë hobi dhe për të kryer punë të shtëpisë.
Will Stronge, drejtor i kërkimit në Autonomy, tha: “Ky studim tregon se prova më e madhe në botë ndonjëherë për një javë pune më të shkurtër në sektorin publik ishte me të gjitha masat një sukses dërrmues.
“Kjo tregon se sektori publik është i pjekur për të qenë një pionier i javëve më të shkurtra të punës – dhe mësimet mund të nxirren për qeveritë e tjera.”
Gudmundur Haraldsson, një studiues në Alda, tha: “Udhëtimi më i shkurtër Islandez i javës së punës na tregon se jo vetëm që është e mundur të punojmë më pak në kohët moderne, por edhe ndryshimi progresiv është i mundur gjithashtu.”
Spanja po piloton një javë pune katër ditore për kompanitë pjesërisht për shkak të sfidave të koronavirusit. Dhe gjiganti i mallrave të konsumit Unilever po i jep stafit në Zelandën e Re një shans për të shkurtuar orët e tyre me 20% pa dëmtuar pagën e tyre.
Marrë nga: BBC
