Tesla shiti 201.250 vetura në të gjithë botën në tremujorin e dytë, një rekord për prodhuesin e veturave elektrike të udhëhequr nga shefi ekzekutiv Elon Musk.
Ndërsa kompania nuk bën shitje sipas rajoneve, biznesi u shfaq i shëndetshëm në Kinë. Pjesa më e madhe e shitjeve të periudhës ishin Sedani Model 3 dhe Crossover Model Y, të cilat prodhohen në Shanghai dhe Fremont, California. Sedani Model S dhe Model X janë prodhuar vetëm në Fremont. Vendet janë tregjet më të mëdha të Teslës.
“Ekipet tona kanë bërë një punë të jashtëzakonshme duke lundruar nëpër zinxhirin global të furnizimit dhe sfidat e logjistikës”, ka thënë Tesla në një deklaratë.
Shitjet tremujore janë një nga treguesit më të mirë për Teslan. Ato mbështesin rezultatet e saj financiare dhe shihen gjerësisht si një barometër i kërkesës së konsumatorit për vetura elektrike përgjithësisht sepse kompania është lider i tregut në veturat me bateri.
Analistët e anketuar nga Bloomberg prisnin që Tesla të shiste 204.160 automjete. Kompania ka thënë që numri i saj ishte pak konservativ dhe se numrat përfundimtarë mund të ndryshojnë me 0.5% ose më shumë.
Muajin e kaluar, Tesla lansoi modelin e saj të ri Model S Plaid, vetura më e shpejtë e prodhuar nga kjo kompani.
