Konsumatorët në restorant, klientët në bare dhe turistët në hotele, që të gjithë e dinë: mendimi i tyre ka rëndësi. Meqenëse forumet, blog-et dhe portalet japin mundësinë e vlerësimit mbi perfomancën e biznesit, çdokush ka të drejtë të lërë një koment mbi përvojën e tij. Çdo minutë publikohen online rreth 5 milion reagime mbi eksperiencën në një vend të caktuar. Një lloj karte vizite për çdo biznes që ofron produkte ose shërbime për publikun. Jo më vetëm klube dhe taverna, por edhe palestra, pajisje shtëpiake, madje edhe për punën e mjekëve.
Ajo që gjenerohet është një sasi e madhe të dhënash, diçka me shumë vlerë për ata që punojnë në këtë sektor: të arrihet të zbulohet se çfarë thonë konsumatorët, çfarë shijesh dhe dëshirash ka masa është thelbësore. Ndryshe ky fenomen quhet: Ekonomia e feedback-ut. Dhe nuk mund të ishte ndryshe: reagimi është zemra e gjithçkaje dhe gjeneron pasoja që mund të përcaktojnë fatin e mijëra veprimtarive të biznesit.
Gjeneratat e reja duket se nuk lëvizin as edhe një euro nëse nuk janë të sigurt për atë që po zgjedhin. Një studim i Barclays shpjegon se 60% e konsumatorëve besojnë tek reviews (vlerësimet online), dhe ai arrin 71% midis moshave 18 dhe 34 vjeç. Por rreth 90% e tyre është e sigurt se i lexon ato përpara se të vendosi mbi zgjedhjen e produktit apo shërbimit. Sipas Sprout Social, në mesin e sektorëve më të orientuar nga përvoja njerëzore janë bizneset e pakicës, të ndjekur nga shërbimet dhe më pas vjen biznesi udhëtimeve. (Wired)
SCAN
