Qeveria e Sllovenisë ka ndaluar shitjen e pjesës më të madhe të produkteve plastike njëpërdorimshme.
Lista e produkteve të ndaluara përfshin pjatat, lugët, thikat dhe pirunët plastikë, përveç atyre që përdoren në pajisjet mjekësore dhe në sektorin industrial, tha qeveria në një deklaratë të enjten.
Reklama e sponzorizuar
Qeveria ndaloi edhe shitjen e kontejnerëve të ushqimit dhe pijeve, si dhe gotave të bëra nga polistireni dhe paraqiti kërkesa për etiketimin e disa produkteve plastike.
Në vitin 2019, BE-ja miratoi Direktivën për Plastikat Njëpërdorimshme (SUPD) për të ndaluar në mënyrë progresive përdorimin e produkteve të tilla plastike, për të zvogëluar ndotjen në dete.
