Situata në tregjet e energjisë është e tensionuar dhe pas shtysave kombëtare për veprim, Komisioni Evropian ka njoftuar rekomandimet e tij për të luftuar çmimet rekord të energjisë, sipas revistës PV Magazine.
“Energjia e rinovueshme mund të stabilizojë tregjet aktualisht të paqëndrueshme të energjisë elektrike dhe gjithashtu të mbrojë nga luhatjet e mëdha të çmimeve në të ardhmen”, vlerësoi KE.
Prej disa javësh, pikëpamja e rritjes së çmimeve në tregjet e gazit dhe energjisë elektrike është bërë gjithnjë e më shqetësuese. “Rritja e çmimeve globale të energjisë është një shqetësim serioz për BE-në”, tha eurokomisionerja për Energjinë, Kadri Simson.
“Ndërsa dalim nga pandemia dhe fillojmë rimëkëmbjen tonë ekonomike, është e rëndësishme të mbrojmë konsumatorët e cënueshëm dhe të mbështesim kompanitë evropiane. Komisioni po ndihmon shtetet anëtare të marrin masa të menjëhershme për të zvogëluar ndikimin në familjet dhe bizneset këtë dimër”, shtoi ajo./kosovo.energy/
