Nuk është befasi lajmi se SHBA dhe Kina, janë vendet me më së shumti njerëz të pasur në botë.
Mirëpo, thuaja se në të gjitha vendet e botës, këtë vit është shtuar numri i qytetarëve miliarderë, sipas listës së Forbs-it për njerëzit më të pasur.
Forbes shkruan se ka ardhur deri tek ndryshimet e rëndësishme në listën e vendeve ku jetojnë më shumë miliarderë, dhe kështu India ka depërtuar në top 3 pasiqë në këtë vit ka fituar 19 miliarderë të ri, ndërkohë Italia është futur në 10 të parët, transmeton Investitor, përcjell Buletini Ekonomik.
Lista e miliarderëve për vitin 2021 ka 2.755 njerëz prej të cilëve 2.444 miliarderë jetojnë në këto 20 vende:
- SHBA
Në SHBA jetojnë 724 miliarderë, të prirë nga Elon Musk, drejtorin ekzekutiv të Teslës dhe Space X.
Pasuria e tij vlerësohet me 202.6 miliardë dollarë.
- Kina
Kina ka 626 miliarderë të prirë nga Zhong Shanshan i cili udhëheqë kompaninë Nongfu Spring. Vlera pasurisë së tij sipas Forbes, vlerësohet në 65 miliardë dollarë.
- India
India ka 140 miliarderë, të prirë nga Mukesh Ambanien, i cili kryeson Konglomeratin Rillajans Industris Limited me punët në telekomunikacion dhe tregtimin me pakicë të naftës dhe gazit. Ka pasuri të vlefshme 97.7 miliardë dollarë.
- Gjermania
Gjermania ka 136 miliarderë, ndërsa më i pasuri ndër ta është Beate Hajster dhe Karl Albred i riu, të cilët janë trashigimtarë të perandorisë tregtare ALDI. Disponojnë me pasuri prej 43.4 miliardë dollarë.
- Rusia
Rusia ka 117 miliarderë në krye me familjen e Aleksei Mordashog, ish drejtori ekzekutiv i kompanisë së çelikut dhe xehtarisë Severstal. Mordashov dhe familja e tij kanë pasuri prej 31 miliardë dollarë.
- Honkongu
Honkongu ka 71 miliarderë, me krye Li Ka- Shing. Ai është ish kryetar i Aset Holdings, që afaron me paluejtëshmëri si dhe është pronar i Haqisong Holdings i cili ka punë në shitjen me pakicë, në infrastrukturë dhe shërbime portuale. Vlera e pasurisë së tij është 31,4 miliardë dollarë.
- Brazili
Brazili ka 65 miliarderë, të prirë nga Bankieri Horhe Paulo Leman dhe familja e tij. Disponojnë pasuri prej 14.9 miliardë dollarë.
- Kanada
Kanada ka 64 miliarderë, dhe në krye të listës së tyre është magnati i mediave David Tonson dhe familja e tij. Tomsonet kanë pasuri në vlerë 50.9 miliardë dollarë.
- Mbretëria e Bashkuar
Britania e Madhe ka 56 miliarderë të prirë nga Inxhinieri i Kimisë i cili është bërë financier James Retcuic, pasuria e të cilit vlerësohet me 14.8 miliardë dollarë.
- Italia
Në Itali jetojnë 51 miliarderë, nga të cilët më i pasuri është Jovani Ferero i cili është kryetar ekzekutiv i kompanisë me emër të njejtë që prodhon qokollata. Pasuria e Ferer vlen 34.1 miliardë dollarë.
- Japonia
Japonia ka 49 miliarderë dhe në krye të tyre është drejtori ekzekutiv i SoftBanka Masajoshi Son, i cili ka pasuri në vlerë prej 27.4 miliardë dollarë.
- Tajvani
Në Tajvan jetojnë 47 miliarderë, të prirë nga Teri Guo, i cili është drejtor ekzekutiv i Foks Kon, prodhuesit më të madh botërorë të stabilimentëve elektronike. Pasuria e tij vlerësohet me 6.4 miliardë dollarë.
- Australia
Australia ka 44 miliarderë, të udhëhequr nga Magnati i mierave Gjino Rainhart, pasuria e të cilit vlen 22.4 miliardë dollarë.
- Korea e Jugut
Korea e Jugut ka 43 miliarderë dhe në krye të tyre është Sevo JungJin, bashkëthemelues i kompanisë biofarmaceutike Sel Trion. Vlera e pasurisë së tij është 9.2 miliardë dollarë.
- Franca
Franca ka 42 miliarderë, dhe në krye të tyre është drejtori ekzekutiv i LVMH, Bernar Arno dhe familja e tij. Pasuria e kësaj familje arrin në 177.1 miliardë dollarë.
- Suedia
Suedia ka 41 miliarderë ndër të cilët më i pasuri është ish kryetari i H&M, Stefan Person, pasuria e të cilit vlerësohet me 19 miliardë dollarë.
- Zvicra
Zvicra ka 40 miliarderë dhe në krye të tyre është themeluesi i ndërmarrjes Mediterane të anijeve Jan Luigj Aponte dhe bashkëshortja e tij Rafaela. Çifti ka pasuri të vlefshme 10.4 miliardë dollarë.
- Tajlanda
Në Tajlandë jetojnë 31 miliarderë të prirë nga Danin Çearavanont, kryetari i konglomeratit Çaroen Pokphand Grup e cila udhëheqë punë në Agroindustri, shitje me pakicë dhe telekomunikacion. Pasuria e tij vlerësohet në 12.6 miliardë dollarë.
- Spanja
Spanja ka 30 miliarderë me Amanis Ortega në krye i cili është bashkëthemelues i zhingjirit të shitjes më pakicë, Indipeks Group, të pronarit të Zara. Pasuria e Ortegës është 82.4 miliardë dollarë.
- Singapori/ Turqia
Singapori është vend i 27 miliarderëve, të prirë nga Jang Jong, kryetar i zingjirit të restorantëve Hotid Hajdilau. Jong ka pasuri në vlerë 10.3 miliardë dollarë.
Turqia me Singaporin është barazuar në vendin e 20-të me 27 miliarderë të vet, edhe pse Singapori vitin e kaluar ka pasur më shumë miliarderë sesa Turqia./Buletini Ekonomik/
