Sistemi i Transportit në Europë ka mungesë të madhe shoferësh kamioni dhe kërkesa në treg është e madhe, madje me paga shumë të mira, deri në 3500 euro.
Problemi është shkaktuar nga koronavirusi, BREXIT, por edhe çështje të tjera të vazhdueshme strukturore qa i çuan kompanitë drejt krizës. Vetëm në Britani, sipas të dhënave zyrtare të Transportit rreth 76,000 shoferë kamioni mungojnë. Në të njëjtën kohë, disa pika karburanti janë mbyllur, ndërsa supermarketet në Mbretërinë e Bashkuar po hasin shumë vështirësi. Në të gjithë Europën mungojnë rreth 400,000 shoferë kamionësh, shkruan media greke.
Vendet evropiane më të goditura janë Polonia, Britania e Madhe dhe Gjermania. Mbretëria e Bashkuar është në një pozitë veçanërisht të vështirë pasi jo vetëm që përballet me Brexit, por gjithashtu ka parë që shumë punëtorë evropianë të largohen gjatë pandemisë pasi frika e bllokimeve është rritur.
Mungesa në Poloni në vitin 2020 është rreth 124,000 shoferë. Polonia është një nga vendet evropiane më të prekura dhe mungesë e shoferëve në 2020 është afërsisht 37%.
Midis 45,000 dhe 60,000 shoferë kamionësh “mungojnë” në tregun gjerman. Deri në 2027 parashikohet që mungesa të shkojë deri në 185.000 shoferë. Në vitin 2019 u raportua nga shumë media se Franca po përballet me një mungesë prej rreth 43,000 shoferësh. Në Spanjë mungesa e shoferëve të kamionëve ishte 15,340 në 2020. Mungesa Itali në vitin 2019 u vlerësua në rreth 15,000 shoferë sipas burimeve të ndryshme.
Danimarka, Norvegjia dhe Suedia: Shifrat për vendet nordike nuk janë aq të larta, por mungesa e shoferëve është përhapur në të gjithë Evropën. Në Bjellorusi në vitin 2019, u vlerësua se kishte një mungesë prej 4,500 shoferësh. Në Ukrainë mungesa në 2019 varionte nga 12,000 në 120,000 në varësi të rajonit. Mungesa e tyre ka çuar kompanitë në të gjithë Europën që të kërkojnë profesionistë me paga mjaft të mira./noa
