Me vendim të Këshillit Drejtues të saj, Sindikata e Re e Korporatës Energjetike të Kosovës (KEK) ka ftuar anëtarët e saj dhe punëmarrësit tjerë të marrin pjesë në protestën e paralajmëruar për 10 dhjetor nga ora 11:00.
Sindikata e Re e KEK ka listuar disa arsyeje për organziimin e kësaj proteste, duke përfshirë edhe rrogën e 13-të për punëtorët e KEK, zbatimin e marrëveshjes kolektive, si dhe sigurimin e pajisjeve mbrojtëse dhe mjeteve higjienike.
Ndër tjerash, Sindikata e Re e KEK ka kërkuar që sigurimi shëndetësor i punëtorëve të KEK të bëhet për afat njëvjeçar dhe jo çdo tre muaj, sikurse është tani.
Protesta do të mbahet para Ndërtesës së Toskanës në Prishtinë, ndërsa në thirrje janë publikuar edhe detaje për transportimin e protestuesëve dhe detaje tjera logjistike.
Thirrja e plotë e sindikatës është e publikuar më poshtë.
