Deputeti i Lidhjes Demokratike të Kosovës, Lumir Abdixhiku tha sot në Kuvendin e Kosovës se megjithëse në të gjitha vendet flitet për rritjen e çmimeve, në Kosovë mohohet që ka krizë.
Abdixhiku, njëherësh kryetar i LDK-së tha se ka krizë alarmante me rritjen e çmimeve.
“Prej fqinjëve, në Maqedoninë e Veriut e deri në Zelandë, nuk ka vend që nuk flet për rritjen e çmimeve. E sot, në këtë Kuvend na u tha se nuk ka krizë… Në Kosovë, mohohet që ka krizë… Neve na duhet një para-seancë se a ka krizë a jo, e pastaj për masat që duhet ndërmarrë sepse nuk janë çështje politike këto…Vendi po përballet me rritje alarmante të çmimeve”, tha ai, raporton Telegrafi.
Abdixhiku po ashtu tha se vendi pritet të përballet me inflacionin më të madh brenda vitit.
“Kur një produkt si nafta ka rritje 50 për qind është e pashmangshme që çmimi i një serie tjetër të produkteve të mos rriten…”, tha deputeti i LDK-së, ndërkohë sipas tij, të ardhurat e qytetarëve mbesin të pandryshuara.
