Indekset europiane të aksioneve e morën pak veten të mërkurën pas tre ditësh rënie, ndërsa çmimet e naftës së papërpunuar u rritën pasi Shtetet e Bashkuara ndaluan importet e naftës ruse.
Sanksionet perëndimore e kanë shkëputur Rusinë nga tregtia globale dhe tregjet financiare, si një reagim ndaj pushimit që ajo i bëri Ukrainës.
Të mërkurën paradite kontratat e së ardhmes së naftës Brent ishin 128,89 dollarë për fuçi, me një rritje prej 0,6% brenda ditës. Ndërsa ky çmim ishte nën nivelin më të lartë të së hënës prej 139,13 dollarësh, ishte afërsisht sa dyfishi i nivelit të ulët të dhjetorit.
Britania tha se do të ndalojë gradualisht importin e naftës dhe produkteve të naftës ruse deri në fund të vitit 2022, ndërsa Bashkimi Europian publikoi planet për të shkurtuar varësinë nga gazi rus me dy të tretat këtë vit. Europa është më e varur nga nafta ruse sesa Shtetet e Bashkuara.
Rusia tha se po punonte për një përgjigje të gjerë ndaj sanksioneve që do të ishte e shpejtë dhe e ndjeshme.
Indeksi botëror i kapitalit MSCI, i cili gjurmon aksionet në 50 vende, u rrit me 0.5% gjatë ditës.
Indekset evropiane u hapën më lart, me STOXX 600 me rritje 2.4% dhe FTSE 100 i Londrës që u rrit me 1.6%.
Ndërsa tregjet janë të paqëndrueshme, analistët thanë se rimëkëmbja e lehtë e aksioneve nuk do të thotë domosdoshmërisht se investitorët kanë ndryshuar pikëpamjen e tyre për konfliktin, i cili është më i madhi në Europë, që nga Lufta e Dytë Botërore.
Ari shënoi rënie të lehtë, pas niveleve më të larta 19-mujore të sesionit të mëparshëm.
Dollari, që shihet si një aset i sigurt u ul me 0.4%, në 98.726 kundrejt një shporte valutash.
Kthimi bazë i obligacioneve 10-vjeçare të qeverisë gjermane u qetësua pas kërcimit të së martës, duke u rritur rreth një pikë bazë në ditë në 0.118%.
Yield-i 10-vjeçar i thesarit të SHBA ishte në nivele të qëndrueshme në 1.8663%./Reuters
