Ministria e Ekonomisë (ME) ka shpallur thirrjen për mbështetje publike për financimin e OJQ-ve në fushën e Teknologjisë së Informimit dhe Komunikimit (TIK), Energjisë dhe sektorit minerar.
Ministria e Ekonomisë u bën thirrje të gjitha organizatave jo-qeveritare të regjistruara në Republikën e Kosovës, programi i punës i të cilave është i fokusuar në sektorët e Teknologjisë Informative dhe Komunikimit, Energjisë dhe Minierave, të aplikojnë për mbështetje financiare për projektet që kontribuojnë në promovimin dhe zhvillimin e këtyre sektorëve strategjikë të rëndësishëm për promovimin e zhvillimit ekonomik.
Vlera totale e planifikuar e thirrjes është 17,000.00 €, ndërsa shuma minimale e mbështetjes financiare që mund të alokohet për çdo projekt individual është 2,000.00 €, ndërsa shuma maksimale për një projekt është 5,000.00 €.
Afati i fundit për dorëzimin e propozimeve është data 05.04.2022.Më shumë informata mund të gjeni në ueb-faqen e Ministrisë së Ekonomisë: https://me.rks-gov.net/…/mbeshtetje-financiare-per…
