Kryeministri i Kosovës, Albin Kurti ka bërë të ditur se së shpejti do të fillojë zbatimi i masës 1.6 të Pakos së Ringjalljes Ekonomike, ku parashihet mbështetjen e punësimit të personave me aftësi të kufizuara.
Gjatë fjalës së tij në mbledhjen e Qeverisë së Kosovës, Kurti tha se gjatë kësaj jave pritet të publikohen më shumë detaje në lidhej me zbatimin e kësaj pike.
“Nga Ministria e Financave, Punës dhe Transfereve jam njoftuar që së shpejti do të fillojmë me zbatimin e masës 1.6 të Pakos për Ringjallje Ekonomike, që ka për qëllim mbështetjen e punësimit për personat me nevoja të veçanta. Për këtë do të ketë një njoftim më të detajuar gjatë kësaj jave” bëri të ditur kryeministri Kurti.
Ndryshe, masa 1.6. e Pakos së Ringjalljes Ekonomike parasheh mbështetjen e punësimit të personave me nevoja të veçanta.
“Në funksion të arritjes së synimit për një shtet të barabartë për të gjithë, do të mbështesim secilin të punësuar me aftësi të veçanta me 50% të pagës, deri në maksimum 150 euro në muaj. Mbështetja do të bëhet për 6 muajt e parë”, thuhet në masën 1.6.
