Investitorët po braktisin Kinën në një shkallë të paprecedentë e kjo nisur prej faktit se shihet si një rrezik politik dhe ekonomik. Ndër të tjera rritja e normave të interesit, e bënë ekonominë e dytë më të fuqishme në botë një vend më pak tërheqës për të investuar.
Kina dëshmoi 17.5 miliardë dollarë dalje të portofolit muajin e kaluar, niveli më i lartë i rregjistruar ndonjëherë, sipas të dhënave më të fundit nga Instituti i Financave Ndërkombëtare (IIF). Shoqata tregtare me bazë në SHBA e quajti këtë largim kapitali nga investitorët e huaj “të paprecedentë”, veçanërisht pasi nuk pati dalje të ngjashme nga tregjet e tjera në zhvillim gjatë kësaj periudhe. Daljet përfshinin 11.2 miliardë dollarë në obligacione, ndërsa pjesa tjetër ishin aksione.
Të dhënat nga qeveria kineze treguan gjithashtu një tërheqje rekord të tregut të obligacioneve nga investitorët e huaj në muajt e fundit.
Investitorët e huaj hodhën 35 miliardë juanë (5.5 miliardë dollarë) neto obligacione të qeverisë kineze në shkurt, ulja më e madhe mujore, sipas Depozitave Qendrore. Shitja u përshpejtua në mars, duke arritur një nivel të ri prej 52 miliardë juanë (8.1 miliardë dollarë).
“Mbështetja e Kinës për pushtimin rus të Ukrainës ishte qartësisht katalizatori që kapitali të largohej nga Kina,” tha George Magnus, një bashkëpunëtor në Qendrën Kineze në Universitetin e Oksfordit dhe ish-kryekonomist për UBS.
Ndër të tjera tensioni gjeopolitik nuk është arsyeja e vetme që qëndron pas tërheqjes së investitotëve. Rritja e normës në Shtetet e Bashkuara dhe bllokimet e rrepta të Kinës lidhur me Covid 19 kanë luajtur gjithashtu një rol në frikësimin e investitorëve. CNN/Scan Tv/
