Lufta, pandemia dhe tregjet e ngadalta goditën miliarderët e botës këtë vit. Janë 2668 prej tyre në renditjen e 36-të vjetore të Forbes për njerëzit më të pasur të planetit, 87 më pak se një vit më parë.
Ato kanë një vlerë kolektive 12.7 trilionë dollarë, 400 miliardë dollarë më pak se në vitin 2021. Rënia më dramatike ka ndodhur në Rusi, ku ka 34 miliarderë më pak se vitin e kaluar pas pushtimit të Ukrainës nga Vladimir Putin, dhe Kinës, ku një goditje e qeverisë ndaj kompanive të teknologjisë kanë çuar në 87 miliarderë kinezë më pak në listë.
Megjithatë, Forbes zbuloi se më shumë se 1000 miliarderë janë më të pasur se një vit më parë. Dhe 236 të tjerë janë bërë miliarderë gjatë vitit të kaluar, duke përfshirë të parën nga Barbados, Bullgaria, Estonia dhe Uruguai.
Amerika ende kryeson botën, me 735 miliarderë me një vlerë kolektive prej 4.7 trilionë dollarësh, përfshirë Elon Musk, i cili kryeson listën e miliarderëve në botë për herë të parë.
Kina (përfshirë Makaon dhe Hong Kongun) mbetet numri dy, me 607 miliarderë me një vlerë kolektive 2.3 trilion dollarë.
Forbes ka përdorur çmimet e aksioneve dhe kurset e këmbimit nga 11 mars 2022 për të llogaritur vlerën neto./Scan Tv/
