Refuzimi për një rritje rroge mund të jetë një goditje për vetëvlerësimin tuaj. Ju mund të zgjidhni të ndiqni një rol të ri ku mendoni se mund të vlerësoheni më shumë. Por nëse vendosni të qëndroni, ja se si të përgatisni terrenin për të marrë një përgjigje ndryshe herën tjetër:
Përgjigjuni në mënyrë diplomatike dhe të ndershme
Nëse ndiheni të zhgënjyer, thuajeni këtë. Pastaj shprehni vlerësimin për çiltërsinë e shefit tuaj dhe filloni të flisni për atë që mund të bëni për një rezultat të ndryshëm në të ardhmen.
Zbuloni pengesat dhe presionet e mundshme
Merrni më shumë detaje duke pyetur se çfarë kontribuoi në vendimin e tyre, si u vlerësuan kompensimi dhe performanca dhe nëse ka fusha të rolit tuaj ku mund të bëni më shumë.
Propozoni alternativa
Nëse është e aplikueshme, merrni në konsideratë negocimin për kohë fleksibël ose një marrëveshje më të mirë, opsionet e aksioneve, një ndryshim titulli, më shumë kohë pushimesh ose fonde zhvillimi profesional.
Promovoni veten në mënyrë autentike
Bisedoni ballë për ballë me shefin tuaj duke rishikuar fitoret e fundit. Dhe kërkoni mënyra për të publikuar ndikimin tuaj, si për shembull të flisni në një takim në mbarë kompaninë me drejtuesit e pranishëm ose të prezantoni në një konferencë industrie.
Kërkoni “avokatë” shtesë
Merrni parasysh të kërkoni një takim të ri me menaxherin e menaxherit tuaj, duke shfrytëzuar mundësinë për t’i informuar ata për punën dhe kontributet tuaja. Ndërtoni marrëdhënie më të thella me kolegët që kanë ndikim në mënyrë që të keni më shumë aleatë që mbrojnë zhvillimin tuaj në punë.
/ Harvard Business Review
