Ministria e Financave, Punës dhe Transfereve ka njoftuar se më 19 gusht 2022 do të mbahet ankandi i nëntë për vitin 2022.
Sipas tyre, në këtë ankand, do të emetohen Obligacione me maturitet 5 vjeçar në shumën prej 20 milionë euro.
Në njoftimin e tyre thuhet se investimi në Obligacione është investim i sigurt, i garantuar me Ligjin për Borxhin Publik, ku interesi i përcaktuar nga tregu ju garantohet për të gjithë kohëzgjatjen (5 vite) dhe është tërësisht i liruar nga tatimi.
Reklama e sponzorizuar
“Për detaje rreth pjesëmarrjes në ankande për blerjen e letrave me vlerë, ju lutem kontaktoni ndonjërën nga Bankat Komerciale që operojnë në Republikën e Kosovës”, thuhet në njoftimin e MF-së./Buletini Ekonomik/
