Kanë filluar reagimet e para pasi Qeveria ka vendosur në diskutim publik, Projektligjin e Pagave.
Ali Sefaj, udhëheqës i Këshillit Grevist të Shërbyesve Civilë ka shprehur pakënaqësi me koeficientet e ri të propozuar me Projektligjin e Pagave.
Sefaj ka thënë se projektligji për pagat në sektorin publik dhe projektligji për zyrtarët publikë është ligj i pabarazisë.
Reklama e sponzorizuar
Ai thotë se nuk ka pagë të njëjtë për punë të njëjtë, pasi sipas tij një ligj i tillë i diskriminon agjencitë në raport me ministritë, godet stafin profesional dhe e shpërblen stafin politik.
“Ky ligj degradon shërbyesin civil dhe e shpërblen shërbyesin politik. Teksti dhe muzika janë të njëjta, veç solisti është ndryshuar”, shkroi ai në Facebook.
