Shqetësimet për shëndetin financiar të bankave kanë shkaktuar konfuzion për arin. Kur bankat amerikane si Silicon Valley Bank dhe Signature Bank njoftuan probleme të falimentimit, të ndjekur nga lajmet se banka evropiane Credit Suisse ishte gjithashtu në telashe, tregtarët u dyndën drejt aktiveve të sigurta.
Megjithatë, që atëherë bankat qendrore të botës, qeveritë dhe bankat tregtare kanë ndërhyrë. UBS ra dakord të blinte Credit Suisse me mbështetje financiare nga qeveria zvicerane. FED ofroi lehtësim për bankat e prekura dhe kriza duket se ka mbaruar, të paktën tani për tani.
Megjithatë, çmimi i arit mbetet i lartë krahasuar me çmimin e vitit 2000 dhe është afër niveleve të larta rekord të vitit 2017.
Ka faktorë të tjerë që rrisin popullaritetin e arit. Minikriza bankare i detyroi bankat qendrore të botës të rimendojnë pikëpamjet e tyre për normat e interesit.
Normat më të larta të interesit mund të ushtrojnë presion në bilancet bankare, kështu që për të parandaluar një krizë të mundshme sistemike bankare, të gjithë bien dakord që bankat qendrore globale si FED duhet të ndalojnë rritjen e normave.
Në një mjedis të paqëndrueshëm ekonomik mes inflacionit të lartë dhe tensioneve gjeopolitike midis SHBA-së, Rusisë dhe Kinës, ari bëhet edhe më tërheqës.
Rusia, Kina dhe aleatët e tyre po kërkojnë t’i japin fund dominimit të dollarit në mbarë botën dhe sipas Këshillit Botëror të Arit, bankat qendrore po blejnë sasi rekord ari në këto kohë të pasigurta.
