Cilat punë paguhen më shumë nëse nuk jeni i diplomuar?
Nëse keni mbaruar një stazh zviceran (trajnim profesional), niveli i pagës suaj do të varet nga fusha e zgjedhur si dhe nga sa kohë keni që punoni në këtë profesion.
Në përgjithësi, paga mesatare pesë vjet pas përfundimit të trajnimit është 5,270 franga në muaj, sipas Zyrës Federale të Statistikave.
Në sektorin e IT paga është 1100 franga mbi këtë mesatare, ndërsa në shitje të ardhurat mujore janë më pak se 5000 franga, shkruan The Local.
Të ardhurat mesatare bruto të dytë më të larta për punësim me kohë të plotë janë ato të infermierëve.
Me një mesatare prej 6060 franga në muaj pas pesë vjetësh punësimi, ata ndiqen nga praktikantët me diplomë në elektricitet dhe ndërtim mekanik (5,445 franga), arkitekturë dhe ndërtim (5,425 franga), kontabilitet, marketing dhe sekretariat (5,367 franga) dhe sektori social (5,349 franga).
Pagat më të ulëta – nën 5,000 franga në muaj – janë në sektorin e shitjes me pakicë dhe “shërbimeve personale”.
Në cilën pjesë të Zvicrës mund të fitoni më shumë?
Sondazhi i fundit në lidhje me këtë çështje, i kryer nga shoqata ombrellë e Universiteteve Zvicerane të Shkencave të Aplikuara, tregon se pagat janë më të lartat në qytetet e mëdha, ku janë më shumë mundësi ekonomike.
Shifrat gjithashtu theksuan ndryshimin midis pjesë të ndryshme të vendit kur bëhet fjalë për pagat.
Në Cyrih, shtytësi ekonomik i vendit i cili kontribuon me një të pestën e PBB-së kombëtare, paga mesatare është 7,113 franga në muaj, shumë mbi mesataren kombëtare.
Në Gjenevë është rreth 6,700 franga, dhe në Bazel, 6,500 franga, shkruan The Local.
Deri ku do të shkojë kjo pagë në Zvicër?
Kjo është një pyetje e vlefshme pasi kostoja e jetesës, veçanërisht në Cyrih dhe Gjenevë, është shumë e lartë.
Fuqia blerëse e të ardhurave tuaja nuk varet vetëm nga sa fitoni dhe nga zakonet tuaja të shpenzimeve, por edhe nga ku jetoni në Zvicër.
Sipas një studimi të fundit, banorët e Zugut kanë më shumë të ardhura të disponueshme në fund të çdo muaji. Pasi Zug është gjithashtu kantoni me normën më të ulët të taksave në Zvicër.
Më pas janë Schwyz, Nidwalden, Cyrihu, Obwalden, Appenzell Innerrhoden, Basel-Stad, Gjeneva dhe Basel-City.
