Claudia Goldin, profesoreshë në Harvard, është nderuar me Çmimin Nobel në Shkencat Ekonomike, çmimi i fundit i sezonit Nobel të këtij viti.
Ajo u nderua të hënën me çmimin Nobel në ekonomi për kontributin e saj “në avancimin e të kuptuarit të grave në tregun e punës”.
Goldin, një specialiste në historinë e punës dhe ekonomisë është gruaja e tretë që shpërblehet me këtë çmim.
Çmimi i Ekonomisë u krijua në vitin 1968 nga banka qendrore e Suedisë dhe njihet zyrtarisht si Çmimi i Bankës së Suedisë në Shkencat Ekonomike në kujtim të Alfred Nobelit.
Fituesit e vitit të kaluar ishin ish-kryetari i Rezervës Federale Ben Bernanke, Douglas W. Diamond dhe Philip Dybvig për kërkimin e tyre në dështimet e bankave që ndihmuan në formësimin e reagimit agresiv të Amerikës ndaj krizës financiare 2007-2008.
Vetëm dy nga 92 laureatët e nderuar të ekonomisë kanë qenë gra. /Telegrafi/
