Agjencia Kosovare e Privatizimit (AKP) me asistimin e Policisë së Kosovës, e ka marrë nën kontroll kompleksin “Rajska Banja” në fshatin Banjskë të Zveçanit.
Lajmin për Portalin Dukagjini e ka konfirmuar zëvendësdrejtori i Policisë për rajonin e Mitrovicës së Veriut, Veton Elshani.
Sipas tij, aksioni ka nisur dje në orën 12:00.
Reklama e sponzorizuar
“Policia e Kosovës sot ka asistuar Agjencinë Kosovare të Privatizimit në kuadër të detyrave të veta që ata janë duke i kryer”, ka thënë Elshani.
Elshani ka bërë të ditur se ky kompleks është pronë e ndërmarrjes “Trepça”.
