Ministri i Bujqësisë, Pylltarisë dhe Zhvillimit Rural, Faton Peci, ka njoftuar se gjatë mandatit të tij, Krusha ka marrë një mbështetje financiare prej rreth 2 milionë eurosh përmes subvencioneve dhe granteve.
Sipas tij, ky fond ka përfshirë një numër të konsiderueshëm përfituesish, përfshirë 30 gra fermerë të Krushës, raporton Ekonomia Online.
Reklama e sponzorizuar
Ministri theksoi se ky investim ka pasur si qëllim mbështetje të fermerëve dhe zhvillim të qëndrueshëm të zonës, duke e cilësuar Krushën si “tokë të larë me gjak”, duke përkujtuar rëndësinë historike dhe simbolike të kësaj toke për Kosovën.
